1. Traffic police ka whistle saniin mi tapalala ngo cycle domoto. Mo ngiimi stand daka board mi nyakinne. Hiika board ho ‘PIGS FIRST, PLEASE!’ (Alyi mi inppyokiineto hiila ketogiine.)
Kahii-kakhe biihankiile, alyie anii dore la alyie atu dorhinhe, lembo ho yanu-yanu gubowla done. Yapa kone, scooter domobiitola dola, ngiimi kagebiidola lune, “Ngunu ka traffic police si miidijako miido.”
2. Ngo school inpa inlyi ho, alyie atu tonge nallah ho guladopa kapato. “Sir, inka alyie atan mi food-poison hoikenmasii ha?” Ngo ngunuka health-hygiene teacher mi takato.
“Ma,” moh lune. “Siika alyie atan si ano hendi-nyadu. Mohlu ayamanii chemical atan mi la kacho-tanii atan mi diiliigiilalala, miyu atan mi diikenendupa hiila, alyo ho giikunkiinedu.”
3. Gandhi Market daka haman-sanii pyuko ho, ngo alyie anii dorngohe bazar miitela dopa kapato. Mohlu kone heter basket biimane. “Inka atan basket biimapa bazar miitepayu ha?” Ngo ngiika ajin mi takato.
“Nokoda piidima ke!” Ngiika ajin hii lune. “No chinma po mohluka ere hii iche heter potelama?”
4. Ane alyie lyikanuhe ja balu miiniipa ajobiine. “Miyu mi ya ajomapa, alyie atan mi niimpa ajobiidu?” Ngo Ane mi takato.
“No chinmapa ke,” Ane lune. “Balu so yalang acho-acho do. Ngunu dipe lo owalaama. Alyie atan ka nyago hii ano alerdo. Mohlu kiidi mi bulldozer hiilyan durlaado.”
5. Aba, alyie lyinii atu kone riibiila giiri ho atiibiine. Ane, alyie mi ka giiri ho ka atiiniimi hennga-henkhala done. “Silo-biilyo, siika modern anyan ho, whu ja alyie mi giiri ho atiidu?” Ane, Aba mi lubiila done. “Hapoli ho ka animal-right activist atan ka nyimaniin niipa luck ayado. Hiilamakoda no achu-amyo mi ka miiha-miikha ko hopa, siisi patu ho dudo.”
Aba knii miichi! Mo chindo Ane mi lurii la lunu-luna-lupakendo hiila. Aro roye, Aba ngiinyi alyie mi giiri hokii pyakobitoku. Aba ngiimi howang ho pika biidola lune, “Silo-biilyo, Hapoli ho, alyie atan ka alo ke lodokunii.”
